ROXAS CITY-Nagapadayon ang hugot nga pagpatuman sang lockdown sa pungsod Oman.
Ini ang ginkumpirmar ni Bombo International Correspondent Marites Calcena sa iya nga report sa Bombo Radyo.
Ginpahayag ni Calcena nga wala pa sang gin-anunsyar nga adlaw ang gobyerno sang Oman sa pag-lift sang lockdown.
Suno diri nga nagapabilin nga hugot ang pagpatuman sang pila ka mga restrictions sa idalom sang lockdown sa pungsod kalakip na ang pagsuksok sang facemask kg pag-obsebar sang social distancing.
Gindugang pa sini nga strikto nga ginadakup sang mga kapulisan ang mga nagalapas sang pila ka mga pagsulundan sang lockdown//
Samtang ginpahayag man ni Calcena nga tuman ka disiplinado ang mga residente sa pungsod.
May pila naman ka mga Overseas Filipino Workers (OFW’s) ang nag untat sa pagtrabaho kasunod sang lockdown apang may yara sang ayuda nga ginahatag ang embahada sang Pilipinas sa pungsod.
