ROXAS CITY-Nagapadayon ang pagpatuman sang lockdown sa United Arab Emirates ukon UAE kasunod sang padayon nga pagsaka sang kaso sang coronavirus disease (COVID-19).
Ini ang base sa report ni Bombo International Correspondent Luis Salcedo sa Bombo Radyo.
Ginpahayag ni Salcedo nga gin-anunsiyo sang Ministry of Health nga may kapin 490 ka mga panibag-o nga kaso sang nasambit nga balatian sa pungsod.
Kasunod sini, napabilin sa gihapon nga hugot ang pagpatuman sang pila ka mga restrictions sa pungsod.
Apang suno sa kay Salcedo mga may pila na ka mga establishments ang nagbalik na sa normal ang operasyon matapos ang ginpatigayon sang sanitation drive sa pungsod.
Gindugang pa ni Salcedo nga tuman ka hugot sang mga kapulisan sa pungsod kun sa diin ginasita ang mga residente nga wala nagasuksok sang facemask kag mga gloves.
