Nagapabilin nga isa ka misteryo ang milagroso nga bangkay nga si Lola Ibe sa Barangay Casanayan,Pilar,Capiz.
(BERMEJO)
Sa interview sang Bombo Radyo kay Punong Barangay Cesar Bermejo Jr., iya ginpahayag nga mangin siya ang saksi sang pagmilagro sang nasambit nga bangkay.
Suno sa iya, isa ka maayo kag mapisan nga klase sang babayi si Lola Ibe kun isaysay sang mga nakakilala gid sa iya sa nasambit nga barangay.
Pahayag pa niya, sang kinahanglan na nga kalakalon ang bangkay ni Lola Ibe, didtu nakita nga wala sang pagbag-o bangud wala naagnas ang iya sini nga lawas.
Makaligad ang pila pa ka mga tinuig nga wala sang pagbag-o sa iya nga bangkay nagdesisyon na ang pamilya nga dal-on na ini pauli sa ila nga balay.
Isa sa mga ginpahayag pagmilagro amo ang pag-ayo sang isa ka lalaki nga gin-stroke kun sa diin pagkatapos niya nga mahakos ang bangkay ni Lola Ibe, ini ang gilayon nga nakatindog sa indi mabal-an nga rason.
Dugang pa sang natungdan, madamu sa gihapon ang nagakadto sa balay ni Lola Ibe agud magbisita ka gang iban ang may balon man nga paglaum nga sila ang maga-ayo sa ila nga mga balatian.
