ROXAS CITY – Ginapangita sa karon sang Pontevedra Response Team ang isa ka lola nga isa sa mga pasahero sang nagkulob nga baroto nga nagbungo sa isa pa ka baroto sa suba sang Barangay Ilawod, banwa sang Pontevedra sa probinsiya sang Capiz.
Sa interview sang Bombo Radyo kay Senior Inspector Marvin Balmes, hepe sang Pontevedra PNP, ginpahayag sini nga may sakay nga 11 pasahero ang nasambit nga baroto sang nagluntad ang insedente.
Nagaguwa sa inisyal nga imbestigasyon nga matapos magsalpukanay ang duha ka baroto nagpanic ang mga pasahero kag tanan ang nagpinsan sa pihak nga porsyon rason nga ini ang nagkulob.
Nahibaluan nga antes nadula ang lola, nahatag pa sini ang kaupod nga apo sa mga kaupdanan.
Sa karon nagapadayon ang pagpangita sa nasambit nga lola.
