Nakuha sang 99-anyos nga si Pauline Kana, nga mas kilala bilang “Gangster Granny,” ang Guinness World Record bilang pinakatigulang nga tawo nga nag-crowd surf.
Ginhimo niya ang record sa isa ka concert sang country-rock artist nga si Brantley Gilbert sa Texas.
Sa bulig sang iya apo nga si Ross Smith kag sang mga tumalan-aw, si Pauline gindala sa isa ka stretcher kag ginpasa-pasa sa ibabaw sang kadam-an pakadto sa atubang sang entablado.
Sikat a social media ang mag-lola nga may minilyon ka mga followers sa TikTok kag Instagram bangod sang ila makalilipay nga mga videos kag mga skits.
Suno kay Pauline, tuman ang iya kalipay nga nangin tulay ang ila mga videos agud mas makapalapit ang mga pamatan-on sa ila mga lolo kag lola.
Pagkatapos sang concert, malipayon nga nagsinggit si Pauline samtang ginauyatan ang iya Guinness certificate nga siya ang pinaka-astig nga lola sa kalibutan
