ROXAS CITY -Padayon nga ginabulong sa Mambusao Distric Hospital ang 32-anyos nga apo matapos nga ginbuno sang lolo sa Barangay Caridad, Jamindan, Capiz.
Ginkilala ang biktima nga si Jobert Nobleza 32-anyos sang Barangay Caridad, Jamindan, Capiz nga nag-angkon sang pilas sa tiyan samtang nakilala ang suspek kay Condrado Valiente.
Nahibaluan nga yara sa bilasyunan ang maglolo nga lunsay nagahampang sang Lucky 9 sang nagluntad ang pagbaisay sa duha.
Natambagan ang duha kag ginpanugyanan nga magpauli na lamang, apang ba-se sa alegasyon sang lolo nga ginsundan ini sang apo kag liwat sila nga nagbaisay tobtob iya nabun-an ang biktima.
Nagsungka sa kapulisan ang lolo kag karon nakahunong na sa karsel sang Jamindan PNP.
Samtang nahibaluan nga yara sa impluwensiya sang makahulubog nga ilimnon ang maglolo sang nagluntad ang insedente.
