Lolo patay matapos ginaalegar ginbuno sang apo nga namulag mulagan

ROXAS CITY – Patay ang 51-anyos nga lolo matapos ginbuno sang apo sa ila balay sa Sitio Agkaningay, Barangay Bilao, Sapian, Capiz.

Nag-angkon sang pilas sa kilid sang lawas nga naglapus sa tiyan ang biktima nga si Mario Delgado.

Sa imbestigasyon sang mga otoridad nagaguwa nga nagakatulog ang suspek nga si Sammy Delgado 19-anyos sang nag-abot ang hubog nga lolo kag nagtuga sang gahud.

Bangud namulag mulagan sa gahud nga gintuga sang lolo, hinali nga ginbuno sang suspek ang biktima.

Gindala pa sa ospital ang lolo apang gindeklara nga dead on arrival.

Gilayon nga nagpalagyo ang suspek matapos ang krimen.