MANILA, Philippines – Ginaduso ni Senator Loren Legarda ang Senate Bill No. 2051 ukon ang “Local Harvest Support Act of 2026”, nga may tinutuyo nga mapabaskog ang food security kag manuligan aang mga mangunguma kag fisherfolks sa tunga sang nagataas nga presyo sang gatong kag basic goods.
Sa proposal, ang mga ahensya sang gobyerno, LGUs, eskwelahan, kag ospital ang kinahanglan direkta magkuha sang suplay sang pagkaon sa mga lokal nga prodyuser agud malikawan ang mga middlemen kag masiguro ang ila kita.
Pahayag naman sang Department of Agriculture, nga sa pagpatigayon sang “Rescue Buy” operations sa tion sang sobra nga suplay agud makabakal sang patubas sa husto nga presyo kag gamiton ini para sa mga programa sa pagbulig kag pagpakaon.
Suno sa proposal, ang lokal nga pagpangita dapat maglab-ot sa 80% sa uma ukon 60% sang sa syudad, nga may limitado nga mga eksepsiyon.
Dugang pa, ang igapatigayon magapabaskog sang nagaluntad nga Sagip Saka Act paagi sa pagbutang sang mas maathag nga mga polisa kag obligasyon sa pagbakal sang mga lokal nga produkto.
Nagalaum si Legarda nga paagi sini mapa-establisar ang suplay sang pagkaon, mabuhinan ang pagsalig sa mga imported goods, kag magdaku ang kita sang mga lokal nga prodyuser.
