Naputol sang Los Angeles Clippers ang ila tatlo ka sunod-sunod nga kapirdehan matapos nila mapierde ang New Orleans Pelicans, 137-117, sa ila duwa sa Intuit Dome sa Inglewood, California.
Nanguna sa Clippers si Kawhi Leonard nga may 23 points. Nagdugang man si Jordan Miller sang 19 points, si Derrick Jones Jr. nga may 17 points, si Brook Lopez nga may 16 points , samtang si John Collins, nga naka-score sang 15 points.
Sa bahin naman sang Pelicans, nagpakita sang maayo nga performance ang rookie nga si Jeremiah Fears nga 28 points.
Nagdugang man si Derik Queen sang 19 points kag si Dejounte Murray may 17points. Si Trey Murphy III, nga nagbalik man halin sa injury, nagtapos nga may 16 points samtang si Saddiq Bey nga may 14 points sa ila kapirdehan.
Antes sini nga duwa, nagdaog ang New Orleans sang apat ka sunod-sunod nga duwa, apang naputol man ang 35 ka duwa nga sunod-sunod nga pagpanakop ni Zion Williamson bangod sang ankle injury nga iya naagum sang nagligad nga gab-i.
Bisan nakalagas ang Pelicans sa ikatatlo nga kwarter, nagpadayon ang Clippers sa ila kusog nga pag-atake, lakip ang 18-4 nga run, tubtob nga masiguro nila ang ila kadalag-an sa katapusan nga kwarter.
