Timprano pa nga nagpahayag sang suporta ang mga city officials sang Los Angeles para sa hosting nila sang 2028 Olympics kag Paralympic Games.
Nagpatigayon sang parada ang mga local officials kun sa diin ginwagayway ang hayahay sang Olympics.
Mahibaluan nga ini ang pangatlo nga beses nga mangin host ang Los Angeles sang Olympics kun sa diin ang ulihi sadtong 1984 samtang sa una nga kahigayunan mangin host man ang nasambit nga syudad sang Paralympics.
Ginpahayag ni LA Mayor Karen Bass nga ang Olympics ang hampang para sa tanan.
Kalakip man sa seremonya ang mga fencers nga naka-wheelchair kag si Los Angeles native kag Paralympic shotput silver medalist Arelle Middleton.
Nagapati ang organizers sang LA2028 nga magabulig ang mga Hollywood stars agud mas magadamo ang mga tumalan-aw sang mga hampang.
