Nagapabilin ang Low Pressure Area (LPA) sa sulod sang Philippine area of responsibility (PAR).
Base sa monitoring sang Bombo Weather Center, nasiplatan ini sa 235 km west sang Dipolog City, Zamboanga del Norte.
Ini nga LPA nagadala sang magal-umon nga kalangitan nga may pag-ulan kag pagpanaguob sa Visayas, Mindanao, MIMAROPA, Bicol Region, Batangas, kag Quezon.
Samtang, padayon naman nga naga-apekto ang easterlies sa nabilin nga bahin sang pungsod, gani lauman ang mainit nga panahon nga may posibilidad sang panalagsahon nga pag-ulan ukon pagpanaguob ilabi na sa hapon ukon gab-i.
Ginapanugyanan ang mga residente sa apektado nga lugar nga maghalong sa posible nga flash floods ukon landslides, ilabi na sa mga manubo nga lugar kag mabukid nga lugar.
