Dako ang chansa nga mangin bagyo ang Low Pressure Area (LPA) sa masunod nga 24 tubtob 48 oras nga nasiplatan sa sulod sang pungsod.
Sa pinakaulihi nga datos nagikan sa Philippine Atmospheric, Geophysical and Astronomical Services Administration (PAGASA), takna alas-3:00 kaina sang maga-aga, nasiplatan ang Low Pressure Area (LPA) sa 175 kilometros sidlangan aminhan sidlangan sang Guiuan, Easter Samar ukon 205 kilometros sidlangan sang Borongan City, Eastern Samar.
Ginalauman ini nga mangin bagyo suno sa PAGASA.
Sa pihak nga bahin, lauman man ang posible nga mabunok nga ulan sa Masbate, Sorsogon, Northern Samar, Samar, Eastern Samar, kag Biliran.
Samtang sa karon, ang Habagat naman ang naga-apekto sa katundan nga bahin sang Southern Luzon, Visayas, kag Mindanao.
Ang kalalawran naman sa sidlangan nga bahin sang Southern Luzon kag Visayas ang mangin kasarangan tubtob mabalod, samtang makanay tubtob kasarangan naman sa nabilin nga parte sang pungsod.
