LPA sa guwa sang PAR, may posibilidad nga mangin isa ka Tropical Depression

Isa ka Low Pressure Area (LPA) ang yara sa guwa sang Philippine Area of ​​Responsibility (PAR) subong nga adlaw.

Base sa report sang state weather bureau, yara ini sa sidlangan sang Mindanao nga bahin sang Pacific Ocean.

Ulihi ini nga na-obserbahan sa kalayuon nga 1,695 kilometers nasidlangan sang Southern Mindanao kag ginalauman nga padayon nga magabaskog.

Nagapabili man ang posible nga mangin isa ini ka tropical depression sa sulod sang 24 oras.

Samtang, indi pa mapat-od kon lubos ini nga makasulod sa PAR kag makaapekto sa pungsod.