LRA witness, wala sang personal nga ihibalo sa assets kag liabilities nga nakalista sa SALN ni VP Sara

Wala sang personal nga ihibalo ang LRA representative nga si Atty. Kathy Florence Baldonado sa mga asset kag liability nga nakalista sa SALN ni Vice President Sara Duterte.

Ini ang iya sabat sa cross-examination ni defense lawyer Lindon Bacquel sa impeachment trial.

Ginpamangkot ni Bacquel si Baldonado kon may personal siya nga ihibalo sa mga asset nga nakalista sa bisan diin nga SALN sang Bise Presidente, nagsabat naman ini nga “Correct po.”

Liwat naman siya nga ginpamangkot kon may personal nga ihibalo sa mga liability nga nakasaad sa SALN ni Duterte, nga iya man ginkumpirmar.

Apang gin-athag sini nga wala siya sang personal nga ihibalo mismo sa mga asset kag liability nga gin-deklara sa SALN sang Bise Presidente.