ROXAS CITY – Naglab-ot na sa 3mil 647 ang mga Locally Stranded Individuals (LSIs) ang nakapauli na sa probinsiya sang Capiz matapos naabtan sang lockdown bangud sa COVID-19 pandemic.
Ba-se sa datus sang Provincial Disaster Risk Reduction and Management Office (PDRRMO) may 113 ka mga bag-o nga LSIs ngA nag-abot kahapon Hunyo 26, 2020 pinaagi sa special flight sang Cebu Pacific gikan sa Metro Manila.
Pinakamadamo diri ang mga LSIs gikan sa Roxas City nga may 32, Panitan nga may 13, 12 sa Panay, tig anum sa Maayon, President Roxas kag Dumarao, tig lima sa Pontevedra kag Ivisan, apat sa Dao, tig tatlo sa Sapian kag Mambusao kag duha sa banwa sang Sigma.
Nahibaluan nga ini na ang ikatatlo nga special flight sang amo nga airline company sa mga LSIs sa probinsiya.
Samtang yara naman sa 745 ka mga repatriated OFWs ang nakaabot na sa probinsiya, as of June 27, 2020.
Nahibaluan nga may nag-abot nga 18 ka mga repatriated OFWs kaina sang kaaganhon.
Ginalakipan ini sang walo sa Roxas City, tatlo sa Pontevedra kag tig isa sa banwa sang Sapian, Sigma, Dao, President Roxas, Pilar, Panay kag Dumalag.
