Nakigbahin si Land Transportation Franchising and Regulatory Board (LTFRB) Chairman Teofilo Guadiz III sa ginpatigayon nga programa sang mga transport group nga nagkasa sang unity walk bilang pagpamatok sa desisyon nga suspindiron ang PUV Modernization Program.
Sa pahayag ni Guadiz, padayon ang ginakasa nga modernisasyon sang mga pampasahero nga jeep kun sa diin indi magpapugong ang LTFRB sa nasambit nga plano.
Ginsiling pa ni Guadiz nga wala sang resolusyon ang makapauntat sa PUV Modernization Program.
Nagpanawagan man ini nga ibasura ang resolusyon sang Senado nga nagapauntat sang implementasyon sang nasambit nga programa.
Ginpahayag pa sang opisyal sang LTFRB nga madamo sang sakripisyo ang ila nga talatapan subong man ang mga operators kag tsuper sang jeep para sa ikaayo sang programa gani indi na dapat suno diri nga untaton pa.
