ROXAS CITY -Magapibilin nga strikto ang Land Transportation Franchising and Regulatory Board (LTRFB) sa pagrequire sang “special permit” sa mga nagabiyahe nga mga pampubliko nga mga salakyan sa pihak nga ipaidalum na sa Modified General Community Quarantine (MGCQ) ang bug-os nga Western Visayas.
Ginpahayag ni LTFRB Region 6 Regional Director Richard Osmeña nga dakpon sang ahensya ang mga pampubliko nga mga salakyan nga nagabiyahe nga wala sang natsekyar nga “special permit” gikan sa LTFRB.
Suno sa kay Osmeña nga kinahanglan sang mga drivers kag operators sang mga pampubliko nga salakyan nga mangin myembero sang kooperatiba nga accredited sang Office of Transportation Cooperative (OCT).
Magluwas dri, kinahanglan nga updated ang insurance sang mga ini agud ma-issuehan sang ahensya sang special permit.
Samtang aminado si Osmeña nga madamo pa ang nabudlyan sa pag proseso sang acceditation sang cooperatiba bangud madugay ang proseso sini.
Apang ginapanindugan sini nga madugay na nga gin-abisuhan sang ahensya ang mga drivers kag operators nga asikasuhon na ila membership sa kooperatiba.
Nagpanugyan naman si Osmena sa mga wala pa sang kooperatiba nga mag upod sa mga nagaeksister nga mga kooperatba agud mahatagan sang special permit.
