ROXAS CITY – Indi pa makapatuman sang strikto nga pagpangdakop ang pamunuan sang Land Transportation Office (LTO) sa siyudad sang Roxas kag probinsiya sang Capiz sa mga motorista nga mapaslawan nga makapahamtang sang prototype barrier sa ila motorsiklo.
Ini bangud ginahulat pa sang talatapan ang pat-od nga guidelines gikan sa Department of Interior and Local Government (DILG).
Bangud diri, magapangsita lamang ang mga katapo sang ahensiya sa mga mapaslawan nga magsunod sa amo nga pagsulundan.
Mahibaluan nga mayorya man sa mga motorsita ang wala nagapabor sa nasambit nga pagsulundan bangud sa madamo nga mga rason.
Isa na diri ang mahal nga presyo sang barrier nga nagalab-ot sa halos P1, 700.
Matandaan nga nagpaguwa sang bag-o nga guidelines sang national Inter-Agency Task Force (IATF) nga pagpahamtang sang prototype barrier ukon panagang sa tunga sang driver kag back rider sang motorsiklo kasunod sa pagpahanugot na sang angkas.
