Nagapanindugan ang Land Transportation Office (LTO) nga wala na sang extension sa Enero 2 nga pag-umpisa sang pagdakop kag pag-impound sa mga light electric vehicles (LEVs) nga naga-operate sa national highways.
Ang orihinal nga enforcement kuntani ang natalana sang Disyembre 1 apang ini ang gin-isol sa Enero 2 agud mahatagan sang tion ang publiko nga mabataon kag mahangpan ang impormasyon.
“Nagkaroon po ng direktiba ang ating Pangulong Ferdinand Bongbong Marcos at nagkaroon kami ng pag-uusap ni Secretary Giovanni Lopez na bigyan ng time ang mga kababayan natin na ‘yung information makarating sakanila. Pero pagdaring po ng January 2, wala pong extension ‘yan at tuloy po ‘yung mga hulihan namin,” suno kay LTO Chief Assistant Secretary Markus Lacanilao.
Gin-athag ni Lacanilao nga ang period humalin Disyembre 1 tubtob Enero 1 ang indi free pass para sa ginadumilian nga electric vehicles nga maggamit sa national highway.
Pahayag niya, ang mga LEVs ang highly vulnerable sa fast-moving traffic sa diin prone ini sa mga aksidente ilabi na sa mga major routes.
‘Yun pong electric na two-wheels, pwede po ‘yun sa bike lane, pero pag lumaki ‘yung inyong electric bike, hindi kayo kasya dun sa bike lane, di po kayo pwede dun,” dugang pa sang natungdan.
