ROXAS CITY – Nagpahanumdom si Land Transportation Regional Office VI Director Eric Lenard Cabaldo sa mga motorista nga iparehistro ang ila mga salakyan sa magkatuhay nga LTO district offices sa probinsiya sang Capiz agud malikawan ang penalidad.
Suno kay Director Cabaldo nga katuyuan sini nga pahanumdum nga malikawan ang anuman nga multa sa tion nga madakpan sang mga operatiba sang LTO nga magabantay sa dalanon.
Ginganyat sang opisyal ang mga motorista labi na sa mga nag-expire na ang lisensiya nga iparehistro na ang ila mga salakyan agud malikawan ang anuman nga penalidad ukon pag-impound sa ila mga salakyan nga nagabiyahe sa dalanon.
Kalakip sa mahimo mamultahan ang mga motorista nga wala nagasuksok sang helmet, wala sang signal light, motorsiklo nga open muffler.
Nahibaluan pa nga may pila ka mga accessories nga ginabawalan ang ahensiya sa diin pananglitan madakpan, mahimo pa nga ma-impound ang ila mga motorsiklo.
