Ginpahayag nga gintumod na sang Department of Justice (DOJ) ang lugar sa Taal Lake sa diin ginlubong ang mga nadula nga mga manugbulang.
Sa interview kay Justice Secretary Crispin Remulla may yara sang “leads” kag mga witnesses nga makatudlo sa eksakto nga lokasyon agud pangitaon ang bangkay sang nadula nga mga sabungero.
Suno kay Remulla, may yara man sila sang impormasyon angut sa plano nga magpatigayon sang “diving operation”.
Apang aminado ang tiglikom nga indi ini palahuwayan bangud suno sa iya, ginabanta 200 square kilometres ang kalaparon sang area sang Taal Lake kun sa diin ginlubong ang mga ginapatihan biktima nga mga sabungeros.
Madumduman nga ginbuyagyag ni alyas “Totoy” ukon Julie “Dondon” Patidongan ang alegasyon nga ginlubong sila sa isa ka bahin sang Taal lake.
Desidido ang DOJ nga hibaluon ang kamatuoran angut sa pagkadula kag pangitaon ang bangkay sang mga manugbulang kun matuod ini.
Samtang ginpakigbahin ni Remulla nga wala pa natuman ang plano nga magpatigayon sang diving operation.
Ginsiling sini nga ini ang bangud sa kahimtangan sang panahon nga na-delay ang diving operation nga plano nila nga pangitaon ang bangkay sang mga nadula nga manugbulang.
Sa pihak sini, ginpasalig ni Remulla nga himuon nila ang tanan agud masolbar ang kaso sang “missing sabungeros”.
Isa diri amo ang koordinasyon sa Japan bangud kinahanglan nga ipatuman ang sistema sang “diving operation”.
