-- ADVERTISEMENT --
Gin-athag ni House lead prosecutor Atty Gerville “Jinky Bitrics” Luistro nga wala sang ginkakas nga documentary evidence sa impeachment case batok kay Vice President Sara Duterte sa pre-trial proceedings sa senado.
Suno kay Luistro, wala pa sang desisyon ang pre-trial conference kun batunon bilang ebidensya ang nasambit nga mga dokumento.
Nagpamalibad man ini nga maghatag sang detalye tuhoy sa mga ebidensya kag saksi agud indi maapektuhan ang kaso, apang ginpanindugan sini nga matawhay kag professional ang pre-trial process.
Sa subong, gina-organize sang magtimbang nga bahin ang pagmarka sang mga dokumento bangud natalana nga magasugod ang impeachment trial sa Hulyo 6.
