Ginpanindugan naman ni House Lead Prosecutor Rep. Gerville Luistro nga dapat manabat man si Vice President Sara Duterte sa paggamit sang pundo sang publiko, kaangay sang responsibilidad nga ginapaabot sa mga ordinaryo nga opisyal sang gobyerno.
Sa iya opening statement sa impeachment trial, ginhatagan pagtamod ni Luistro nga kon ang isa ka barangay treasurer ang kinahanglan nga magpaathag kag mag-account sang tagsa ka sentimo sang pundo sang publiko, mas nagakabagay nga amo man ang himuon sang Bise Presidente.
Ginhatagan niya sang importansya nga ang accountability nahanungod sa paggamit sang pundo sang publiko indi dapat magdepende sa posisyon ukon gahum sang isa ka opisyal.
Dugang pa ni Luistro nga importante gid nga ipakita nga ang kasuguan nagapakita sang patas sa tanan agud mapabilin ang pagsalig sang publiko sa gobyerno kag sa sistema sang hustisya.
