Ginsiling ni senatorial candidate kag labor-leader Atty. Luke Espiritu nga si anay Pangulong Rodrigo Duterte ang ginapahayag “most important enemy” sa karun bangud ginabag-o sini ang kultura sang pungsod kag luyag nga “mangin mainstream ang patyanay.”
Suno kay Espiritu parehas siya nga kontra sa administrasyon nanday Pangulong Ferdinand “Bongbong” Marcos Jr. kag FPRRD, apang may “special place” suno diri para sa iya ang katapusan.
Dugang pa sini nga luyag suno diri sang anay presidente nga ginapalakpakan ang mga paglapas sa kinamatarong sang isa ka indibidwal.
Matandaan nga sa administrasyon ni Duterte, ginpatigayon ang giyera kontra droga sa pungsod kung sa diin ginsiling ni human rights lawyer Chel Diokno nga base sa 2017 year-end accomplishment report sang Office of the President (OP), 20,322 drug suspects suno diri ang napatay sumugod Hulyo 2016 tubtob Nobyembre 2017.
Ginklaro man ni Espiritu nga luyag niya nga pasabton si Duterte bangud nangin buta suno diri ang anay pangulo sa iban nga indibidwal agud makita ang “karakter” sang administrasyon ni Marcos.
