-- ADVERTISEMENT --
Nangin madinalag-on ang ginpatigayon nga Lumba-anay sa Baybay kag Pinta Baroto bilang kabahin sang selebrasyon sang Kapistahan ni San Juan Bautista.
Sa interview sang Bombo Radyo kay Roxas City Councilor Jaime Cortes Altavas, iya ginpahayag nga masadya kag madamo ang nagpartisipar sa nasambit nga aktibidad, lakip na ang mga lokal nga mangingisda.
Suno kay Altavas, lakip man sa ginpatigayon amo ang Pinta Baroto nga isa ka paagi agud mapakita kag makilala ang talento sang mga lokal nga artist sa Syudad sang Roxas kag probinsya sang Capiz.
Dugang pa sini, padayon nga ginahiwat ang sini nga mga aktibidad kada tuig agud maghatag sang kalipay kag kalingawan sa mga pumuluyo samtang ginasaulog ang kapistahan ni San Juan Bautista.
