Nagpadulong ang mga opisyal sang League of Vice Governors of the Philippines (LVGP) sa China agud magtambong sa Benchmarking Foreign Study Mission.
Sa interview sang Bombo Radyo kay Capiz Vice Governor James O. Magbanua, iya ginpahayag nga gin-istorayahan sa pagsinapol amo ang mga preparasyon kag katuyuan sang study mission, ilabi na ang pagtuon kag sang nagkalain-lain programa kag kultura sang pungsod China.
Suno kay Magbanua, paagi sa amo nga mission, may oportunidad ang mga bise gobernador nga makita kag matun-an mismo ang mga pamaagi nga ginapatuman sang China nga mahimo ikonsiderar sa pagpauswag sang mga programa kag serbisyo sa ila tagsa-tagsa ka mga probinsya.
Ginpakigbahin man sang natungdan nga sa amo nga aktibidad may kahigayunan ini nga marepresentar ang rehiyon kag makakuha sang dugang nga ihibalo kag eksperyensya nga mahimo magamit sa pagpauswag sang lokal nga pagdumala.
