Ginpakigbahin sang Maayon Municipal Police Station (MPS) sa mga eskwelahan ang kampanya parte sa Unified 911 Emergency Hotline kag Nihilistic Violent Extremism (NVE) agud mapauswag ang ihibalo sang mga estudyante sa mga paagi sa pagpugong sang krimen kag pagmentinar sang kalinong kag seguridad sa komunidad.
Sa interview sang Bombo Radyo Roxas, kay Police Lieutenant Cleofe Diaz, Officer-in-Charge sang Maayon MPS, iya ginpahayag nga katuyuan sang kampanya nga tudluan ang mga estudyante sang mga paagi sa paglikaw sa krimen kag pagprotektar sang ila kaugalingo
Paagi sa Unified 911 Emergency Hotline, mahimo maalerto ang pinakamalapit nga responding units, lakip ang kapulisan kag bombero, agod makahatag sang bulig sa tion sang emerhensiya.
Nagpahanumdom man ang natungdan sa ang mga estudyante kag pumuluyo nga magbinuligay sa pagreport sang mga indi maayo nga aktibidad sa mga awtoridad agod mapunggan ang krimen kag mapabilin ang seguridad sa mga eskwelahan kag komunidad.
AV OF Police Lieutenant Cleofe Diaz, Officer-in-Charge sang Maayon MPS
