Nagahilibion si alyas Michael, ang nakahunong nga live-in partner ni alyas Charina ang LGBTQ member nga ginluthang-patay sa Barangay Gabuan, Roxas City.
Sa interview sang Bombo Radyo kay Michael, ginpahayag sini nga palangga nya si Charina kag madamo pa tani ini sila sang plano sa ila bwas damlag.
Wala suno diri sang labot si Charina sa tanan nga nahimo kag nakumiter sini nga sala. Ginpanginwala man ni Michael ang mga alegasyon nga ginahaboy batuk kay Charina.
Ginapangabay ni Michael nga tani madakpan na ang may mga kahimuan sang gulpi nga kamatayon sang iya pinalangga nga si Charina.
Matandaan nga wala na sang kabuhi si Charina matapos nga ginluthang-patay sa nasambit nga lugar samtang, madasig naman nga nakapalagyo ang mga wala pa makilan-an nga suspetsado sakay sang isa ka motorsiklo.
Sa karon, padayon pa ang imbestigasyon sang Roxas City PNP angut sa nasambit nga pagpangluthang.
