ROXAS CITY – Natigayon na nga mapasakaan sang sampaw-sampaw nga kaso ang lima ka mga persona nga nauna nadakpan bangud sa pagpatigayon sang double your money investment scam, sa ginkasa nga entrapment operation sang mga katapo sang National Bureau of Investigation (NBI) Capiz, sa banwa sang President Roxas.
Kaso nga Swindling and Large Scale Estafa; BIR Law kag paglapas sa RA 11494 ukon “Bayanihan to Recover as One Act” ang natigayon nga mapasaka kahapon nga adlaw sa Provincial Prosecutor.
Matandaan nga ginkilala ang mga nagkaladakpan nga sanday Cherrie Cartujano, residente sang Brgy. Balijuagan, Roxas City aka ‘Madam Cherrie’, Ludy Dolor, sang Burgos Ilaya, Roxas City, Clarisa Dela Cruz, residente sang San Juan, Cainta, Rizal kag Neil Adrian Duqueza, sang Sto. Niño Norte, Iloilo City.
Pinaagi sa nagtindog nga ma pay-in sang P200,000 nga ginalakipan sang P190K nga boodle (fake) money, nakumpirmar sang otoridad nga nagatan-ay ang mga suspek sang doble nga balik sang kuwarta pagkatapos sang 5, 10, 15 ukon 20 diyas.
Naggamit man ang mga ini sang nakalain-lain nga voucher nga pirmado sang nagkalain-lain nga persona.
Padayon man nga gina-verify sang NBI kun may kamatuoran ang nauna nga ginbuy-an nga pahayag sang mga scammer nga ginalegar may prominente, pulis kag pulitiko ang yara sa likod sang amu nga investment scam.
