Nakakuha sang nanari-sari nga reaksyon ang nangin pahayag ni US president-elect Donald Trump.
Ginpahayag sini nga kun makapungko na ini sa puwesto, magapataw ini sang 25% nga taripa sa tanan nga mga produkto nga magasulod sa US ilabi na sa Canada kag sa Mexico.
Tuyo sini amo agud maresolba man ang mga iligal migrants nga nagasulod sa US.
Dugang pa sini na may 10% nga igapataw nga taripa sa sa mga produkto naman nga nagikan sa China agud mabantayan ang pagsulod sang droga ilabi na ang fentanyl.
Siling naman ni Mexican President Claudia Sheinbaum nga ang pagpataw sang mataas nga taripa ang indi makaresolba sang problema sa iligil migrants kag ginsiguro sini nga sila ang magabawi sa pagpataw man sang mga taripa.
Gintawagan naman ni Canadian Prime Minister Justin Trudeau si Trump matapos ang anunsiyo sini kag handa naman ini nga magka-“constructive way” nga makatrabaho si Trump.
Samtang ang Chinese embassy sa Washington ang nagapati nga mutually beneficial ang economic kag trade cooperation sang mga ini sa US bangud wala sang magadaog sa trade war ukon tariff war.
