-- ADVERTISEMENT --
Nagalaum ang isa ka legal expert nga Madamo pa nga ebidensya sa war on drugs ang posible ilatag sa nabilin nga tatlo ka adlaw sa confirmation of Charges ni Former President Rodrigo Roa Duterte.
Sa interview sang Bombo Radyo kay Atty. Justin Francis Castro Bionat, iya ginpahayag nga ang ipagwa nga mga ebidensya sang kampo sang mga abogado sang mga biktima, ang makabig nga mabaskog nga atubangon sang defense team ni Duterte.
Suno kay Bionat, ang pag-atubang ni Former President Duterte sa International Criminal Court (ICC) indi lang legal, kundi moral nga basehan agud madepensahan kuntani ang iya kaugalingon batok sa kaso nga Crimes Against Humanity.
Karon, alas 5:00 sa hapon liwat nga magabukas ang hearing para sa submission sang merito.
