Ginalauman na sang Department of Education (DepEd) nga maganubo ang numero sang mga estudyante nga nagtumar sang deworming pills nga kabahin sang programa sang Department of Health (DOH) subong nga bulan sang Enero.
Ini ang ginpahayag sa Bombo Radyo ni Department of Education- Capiz Schools Division Superentindent Miguel Aposin matapos maglupok ang isyu sa Dengvaxia vaccine.
Suno kay Aposin nga nahadlok na ang pila ka mga ginikanan nga magpainom sang deworming pills ang ila mga kabataan bangud sa kahadalok nga mapareho sa mga kabataan nga nabakunahan sang dengvaxia nga ginaalegar nagkalamatay.
Aminado man si Aposin nga antes pa man naglupok ang nasambit nga isyu, may yara na sang pila ka mga ginikanan ang nagapamalabag sa deworming program sang DOH.
Sa pihak sini, ginarespeto sang ahensiya ang desisyon sang mga ginikanan kag indi man sila mabasol bangud diri.
