ROXAS CITY – Ginahulat sang kadam-an sa Estados Unidos ang sabat sang Oceangate Company, matapos nga ginpahayag sang otoridad nga patay na ang 5 ka mga sakay sang submarine vessel.
Sa interview sang Bombo Radyo ky Mr.Edgardo Jun Arbolado, Bombo International Correspondent direkta sa Virginia USA nga ginatutukan sang kadam-an ang ginapatigayun nga imbestigasyon kung bala may ara sang kapabayaan sa kumpanya ukun indi pa ini preparado sa pagpatigayun sang expedition agud makita ang barko nga titanic sa idalum sang kadagatan.
Nagapati si Arbalado nga nagalikaw ang Oceangate nga sabton, ang madamo nga pamangkotanun ilabi na nga antes paman nagsakay ang mga biktima may ara ini nga mga concerns sa submersible vessel.
Sa inisyal nga imbestigasyon sang mga otoridad nga naglupok ang nasambit nga salakyan nga ginapatihan bangud sa pressure sang tubig,kag naglalapta na ang mga debris sang nawasak nga titan submarine nga ginapangitaan na sang pamaagi kung paano ma-retrive ang lawas sang mga biktima.
Samtang ginahimo naman sang mga pamilya sang napatay pinaagi sa ila nga mga abogado nga ila himuon ang tanan agud mahatagan hustisya ang ila kamatayon kag mapasabat ang OceanGate kung mapamatod-an nga may yara ini sang kapabayaan sa insidente nga natabo.
