Mag-abyan, arestado sa drug bust opt sa Roxas City
ROXAS CITY- Arestado ang duha ka mga persona sa ginkasa nga drug buy bust operation sa Burgos Ilawod, Barangay Tanque, Roxas City.
Ginkilala ang mga nadakpan nga sanday Raymund Lopez, 41-anyos nga residente sang nasambit nga lugar kag Anthony Francis Reyes, 55-anyos nga taga- Barangay Tiza, sining siyudad.
Nakuha sa ila posession sang mga otoridad ang tatlo ka sachets sang ginadudahan shabu, P500 nga mark money kag mga drug paraphernalia.
Sa interview sang Bombo Radyo sa team leader sang City Drug Enforcement Unit sang Roxas City Police Station nga si PSI Armando Clavaton, ginpahayag sini nga duha ka bulan nga ginpaidalom sa monitoring ang aktibidad sang mga nadakpan.
Samtang, gin-aku ni Lopez nga naga-gamit ini sang illegal nga droga apang wala ini nagaduso.
Suno sa iya nga pila pa lamang ka mga binulan ang iya paggamit sang illegal nga droga.
Hugot man sini nga ginapanginwala nga ila ang nakuha nga alegar shabu sang mga otoridad.
