ROXAS CITY – Arestado ang tatlo ka mga persona matapos nga nagsumbaganay sa Barangay Poblacion Proper, Mambusao, Capiz.
Ginkilala ang mag-amay nga sanday Rolando Launio, 61 anyos kag Rolly Launio, 37 anyos, lunsay mga residente sang Barangay Balat-an, Mambusao, Capiz.
Ba-se sa imbestigasyon sang kapulisan nga may daan nga hiligut-anon ang mag-amay nga Launio kag si Donato La-ab, 51 anyos sang Barangay Libo-o Mambusao, Capiz.
Sa pagresponde sang mga pulis, ila nakuha sa possession ni Rolando ang kutsilyo kag baston naman kay Rolly.
Samtang sang ginrekisa si La-ab nakuha sa possession sini ang kutsilyo, .22 caliber revolver kag lima ka mga bala.
Napasakaan na sang panumbungon nga alarm and scandal ang mag-amay kag si La-ab kag dugang nga panumbungon nga paglapas sa Batas Pambansa Bilang 6 ang ipasaka kay La-ab.
Sa karon nakahunong na sa karsel sang Mambusao Municipal Police Station ang mga arestado.
