ROXAS CITY-Ginpanginwala sang mag-amay nga Wepol kag Roberto Gonzales ang alegasyon nga pagpalupok sang armas-luthang kag pagbato sa mga nagresponde nga mga kapulisan sa Barangay Tiza, Roxas City.
Ginpanginwala ni April ‘Wepol’ Gonzales ang alegasyon ni Mr. Marlon Chua nga nagpalupok ini sang armas-luthang sa nasambit nga lugar.
Ginkompimar sini nga gindul-ong ini sang kaupdanan sa trabaho apang hugot nga ginpanindugan nga wala ini sang ginabitbit nga armas-luthang.
Aminado si Wepol nga yara ini sa idalom sang impluwensya sang makahulubog nga ilimnon apang gin-athag nga wala ini nagbato sa mga nagrespondi nga mga kapulisan.
Desidido naman ini nga magpaidalum sa paraffin test kun kinahanglanon.
Samtang ginpanginwala naman sang amay sini nga si Roberto ‘Bobby’ Gonzales ang alegasyon nga nagbato ini sa mga nagrespondi nga mga kapulisan.
Suno sa kay Bobby nga matalunsay ini nga nag-upod sa mga kapulisan sang tion nga ginpangita ang anak sini nga si Wepol.
Gin-athag man sini nga wala siya sang intensyon nga taguon ang anak sa mga kapulisan.
Samtang ginkadismaya naman ni Bobby sang ginhunong sila nga mag-amay sa karsel sang Roxas City Police Station.
