ROXAS CITY – Pilason nga ginpadangat sa ospital ang mag-asawa nga ginluthang sa Barangay Nagsulang, Dumarao, Capiz.
Nakilala ang mag-asawa nga biktima nga sanday Regalado Falsario 47-anyos kag Rosemarie Falsario nga lunsay nag-angkon sang pilas sa lawas.
Sa imbestigasyon sang pulisya, nagaguwa nga yara sa bilasyunan si Regalado nga yara sa impluwensiya sang makahulubog nga ilimnon kaupod ang asawa.
Ginsita ni Alan Floro ang biktima bangud nangin magahud na ini kag ginatudluan ang nagasugal butang nga ginkaakig ni Regalado
Bangud wala nagustuhan sang utod ni Floro ang nangin aktwasyon sang biktima nga ginhambalan lamang apang kasubong nga akig pa, gilayon sini nga ginkuha ang armas kag ginluthang ang mag-asawa.
Samtang madasig naman nga nagpalagyo ang suspek matapos ang hitabo.
