MGA KABOMBO, MAY KILALA KA BALA NGA KAPID, TRIPLETS UKON QUADRUPLETS?
Indi bala kabudlay na panumdumon para sa isa ka iloy, pero paano kun siyam ang imo ibun-ag sa isa lang ka pagbusong?
Ini ang nalampuwasan sang isa ka iloy nga nagbun-ag sang nagaisahanon nga nonuplet sa kalibutan kag sa subong nagaselebrar sang ila ika-5 nga kaadlawan.
Ang siyam ka mag-ulutod — apat ka lalaki kag lima ka babayi — natawo sang 2021 sa Morocco sang mag-asawa nga Halima Cissé kag Abdelkader Arby gikan sa Mali.
Sila ang una nga nahibal-an nga mga maga-angkon sang nonuplet, ukon siyam ka mga lapsag kag tanan nakalampuwas pagkatapos sang pagbata.
Ang mga mag-ulutod nagalakip sanday Mohammed VI, Oumar, Elhadji, Bah, Kadidia, Fatouma, Hawa, Adama, kag Oumou.
Intimate nila nga ginsaulog ang ila ika-5 nga kaadlawan upod sa pamilya sa Mali.
Sa mga litrato nga ginpaambit sang pamilya, makita ang ila iloy nga nagauyat sang sertipiko sang Guinness World Records samtang ginapalibutan sang tanan nga siyam ka kabataan.
Suno kay Cissé, ang mga kabataan ginbun-ag sang natural kag wala naggamit sang ano man nga sahi sang mga bulong .
Ang isa sa pinakadako nga paghangkat sa pagpadaku sang mga nonuplets amo kon paano sila makigbagay sa palibot samtang nagadaku sila.
Ang mga lapsag natawo paagi sa caesarean section sa 30 ka semana lamang sang pagbusong kag nagabug-at sa tunga sang 1.1 kag 2.2 pounds ang kada isa.
