ROXAS CITY – Dead on the spot ang bana samtang ginbawian sang kabuhi ang iya asawa, matapos nga ginsulod sang mga armado nga kalalakinhan ang ila puloy-an sa Sitio Hacienda, Brgy. Sublangon, Pontevedra, Capiz.
Ginkilala ang mag-asawa nga sanday Reynaldo kag Fe Delgado, mga residente sang nasambit nga barangay.
Sandig sa inisyal nga imbestigasyon sang mga katapo sang Pontevedra MPS, ginsulod sang duha ka mga armado nga wala makilan-an nga persona ang balay sang mag-asawa mga alas-7 kagab-i sang Domingo, kag hinali nga ginpaluthang.
Nadala pa sa ospital ang asawa apang ginbawian ini sang kabuhi kaina sang kaaganhon.
Narekober sa lugar ang anum ka mga baseyo sang ginapatihan iya sang .45 calibre nga armas-luthang.
Sa karon, nagapadayon ang imbestigasyon sang mga kapulisan angut sa insidente kag sa paghibalo sang pagkakilanlan sang mga supsek.
