Indi na magkooperar ang mag-asawa nga Discaysa nga sanday Sarah kag Curlee Discaya sa imbestigasyon sang Independent Commission for Infrastructure (ICI).
Ini ang gin-anunsyo ni ICI Executive Director Atty Brian Keith Hosaka sa isa ka press conference.
Suno kay Hosaka, gingamit sang mag-asawa nga Discaya ang ila kinamatarong nga indi magpahayag batok sa ila kaugalingon.
Ginhatagan man nila pagtamod nga indi na sila mag-intra sa ano man nga dugang nga tikang sang komisyon.
Matandaan nga ang imbestigasyon ang may kaangtanan sa mga alegasyon sang korapsyon sa pila ka mga proyekto sa imprastraktura.
Bangud sini, posible nga maatrasar ang progreso sang mga kaso nga ginpasaka batok sa ila.
Samtang, magapadayon ang ICI sa pagpatigayon sang imbestigasyon agud makuha ang kinahanglanon nga ebidensya gikan sa iban pa nga involved sa kaso.
