ROXAS CITY – Nagdoble halong na sa karon ang mag-asawa nga ginsulod kag ginkawatan ang ila sari sari store sa Magallanes St., Barangay 2, Roxas City kagab-i.
Ginpahayag ni Mr. Ernesto Camit nga kasunod sang insedente sang pagpangawat sang ila mga baligya sa ila tiyangge, nagbakal na ini sang dalagku nga mga kandado agud masiguro nga indi na masulit pa ang pagsulod sa ila sang wala mahibaluan nga mga suspek.
Suno sa biktima nga pagkaaga na lamang nila nahibaluan nga ginsulod sang mga kawatan ang ila balaligyaan sang nagbugtaw na ang iya tiayon.
Aminado nga kagab-I nakabati sang pagtinaghol sang ido apang ginbalewala lamang nila ini.
Kalakip sa gintaban sang mga kawatan ang mga de lata kasubong sang corned beef, sausage, kape, sigarilyo kag zonrox nga ginabulubanta nagalab-ot sa P2,900 subongman mga sensilyo nga ila benta nga P400.
Nagapati si Camit nga posible apektado sang COVID-19 ang mga kawatan bangud lunsay mga pagkaon ang ila ginpangtaban.
