-- ADVERTISEMENT --
Patay ang mag-asawa sang gin-ambush sang ginaalegar tatlo ka mga lalaki sa Sitio Magalan, Barangay Sagrada Familia, Dumarao, Capiz.
Sa inisyal nga impormasyon nga nakuha sang Bombo Radyo sa Dumarao PNP, ginpahayag nga nagasakay sa motorsiklo ang mag-asawa sang natabo ang pagpang-ambush sang mga wala pa natumod nga suspek.
Dugang pa sang mga ini, nag-angkon ang mga biktima sang patal nga pilas sa ila lawas nga nangin rason sang ila kamatayon.
Sa karon, wala pa sang motibo kag padayon pa nga ginapadalman sang mga kapulisan ang ginahiwat nga imbestigasyon samtang nagapabilin naman nga atlarge ang nasambit nga mga suspetsado.
