ROXAS CITY – Totally burned ang isa ka balay sa Sitio Canary, Barangay Punta Tabuc, sining syudad.
Nag-angkon sang second degree burn ang mag-asawa nga Jocelyn Valiao kag Napoleon Veliz sa ila pagguha sa nasunog nga balay.
Ginpahayag ni Arnel Baliao, tricycle driver kag anak ni Nanay Jocelyn nga gintundaan siya nga nasunog ang ila balay rason nga nagpauli ini.
Suno diri nga sa iya pag-usisa sa iloy kun diin naghalin ang sunog, ginsiling sa iya nga sa kuwarto nagsugod ang kalayo.
Ginpahayag naman ni FO3 Philamer Distura, fire investigator nga sa ila pag-abot sunog na ang bilog nga balay kag wala sang may nasalbar bisan isa ka gamit ang mag-asawa bangud sa madasig nga paglapta sang kalayo.
Nahibaluan nga human sa light materials ang nasambit nga balay.
Padayon sa karon ang imbestigasyon sang imbestigador sang Roxas City Fire Station agud mahibaluan ang nangin kahalitan sang nasambit nga balay.
