Kun sang damlag lang, may yara mag-asawa nga nagbulagay bangud wala magsugtanay sa ila hinuptanan, subong naman may yara sang mag-asawa nga nagbulagay bangud wala magsugtanay sa pangalan sang ila bag-o bun-ag nga anak.
Didto sa Shanghai, China, isa ka lapsag ang wala pa sa gihapon mahatagan sang birth certificate kag wala man mahatagan sang mandatory vaccination sang masobra isa ka tuig na matapos siya ginbun-ag.
Ang rason… wala nagasugtanay ang iya iloy kag amay kun ano ang ipangalan sa iya nga nangin kabangdanan pa sang ila diborsyo.
Tuig 2024 sang ginbun-ag ang bata kag umpisa sadto naglala na ang relasyon sang iya mga ginikanan.
Pareho sila nga may yara sang kaugalingon nga gusto kag wala man nagasugtanay nga maghatag sang orihinal nga document ukon power of attorney sa isa kag isa agud matigayon na nga marehistro ang bata.
Tubtob subong, wala sa gihapon sang pangalan ang bata kag ginatawag na lang gid ini nga baby boy.
