ROXAS CITY – Nag-angkon sang menor nga pilas sa lawas ang mag-iloy matapos nga ginaalegar ginbungguan sang salakyan samtang nagatabuk sa pedestrian lane sa Barangay 4, Roxas City.
Ginkilala ang mga biktima nga sanday Marvie Cortez 32-anyos kag anak sini nga anum ka-tuig lunsay mga residente sang Barangay Libas sining siyudad.
Base sa inisyal nga imbestigasyon sang Roxas City PNP nga samtang ginasubay ang dalan sang salakyan nga ginamaneho ni Marlon Obuyes 36-anyos sang Barangay Bolo sining siyudad sang hinali na lamang nga nagtabuk ang mga biktima rason nga aksidente ini nabungguan.
Bangud diri, nag-angkon sang pilas sa lawas ang mga biktima nga gilayon naman gindapatan sang nagakaigo nga pagbulong.
Samtang, ginhilway man gilayon sa kustodiya sang mga kapulisan ang driver nga si Obuyes matapos nga nagkasugot na lamang sila sang mga biktima.
