Nag-file sanday Senador Loren Legarda kag Batangas 1st District Representative Leandro Leviste sang ila counter-affidavit may kaangtanan sa plunder complaint nga ginpasaka batok sa ila suno kay Ombudsman Jesus Crispin “Boying” Remulla.
Matandaan nga gina-imbestigaran ang mag-iloy may kaangtanan sa ginaalegar wala pa matapos nga solar energy projects nga nagabalor sang P10.44 billion.
Suno kay Remulla, apisar nga ulihi na nga ginsumiter ang counter-affidavit sang duha, tun-an sa gihapon ini sang Ombudsman bilang kabahin sang ila right to due process.
Ginpahayag man ni Remulla nga posible may mga pamangkot pa sila angut sa ginsumiter nga counter-affidavit, apang indi pa maathag kon sa diin ang mag-iloy agud sabton ini.
Badse sa ila impormasyon, yara pa sa Paris sanday Legarda kag Leviste, apisar nga nagbiyahe man sila sa Switzerland.
Samtang naka extended medical leave naman si Legarda sa Senado bangud sa balatian nga may kaangtanan sa baga.
