Mag-iloy, patay matapos gin-arado sang truck ang ila balay

Patay ang isa ka babaye kag ang iya isa ka tuig nga bata matapos mabungguan sang truck ang ila balay sa Don Salvador Benedicto, Negros Occidental.

Lima naman ang pilason sa aksidente.

Suno sa report halos maguba ang balay sang mga biktima sa Barangay Pandanon matapos nga nabungguan sang truck nga may karga nga balas.

Ginpahayag man sang driver sang truck nga nadulaan sang preno ang salakyan rason nga nagbunggo ini sa balay.

Suno sa amay sang isa sa mga biktima, nagakatulog ang isa pa ka biktima sang natabo ang insidente.

Ginahulat pa sang kapulisan ang desisyon sang mga himata sang mga biktima kun magpasaka sang reklamo batok sa driver.