Mag-iloy, pilason sa vehicular accident nga naglutad sa Barangay Cagay, Roxas City

Pilason ang isa ka lady rider kag ang iya anak nga angkas matapos mabungguan sang pick-up truck sa Barangay Cagay, Roxas City.

Sa interview sang Bombo Radyo kay Barangay Kagawad Isidro Aragon, iya ginpahayag nga pareho nga halin sa banwa sang Ivisan ang duha ka salakyan kag padulong kuntani sa syudad sang Roxas.

Suno kay Aragon, samtang nagaliko ang motorsiklo padulong sa isa ka subdivision sa lugar, sang hinali ini nga nabungguan sang nagasunod nga pick-up.

Gilayon naman nga nagresponde ang mga katapo sang Roxas City Emergency Response Team agud madapatan sang nagakaigo nga pagbulong ang mga biktima.

Sa subong, nagapabilin pa sa ospital ang mag-iloy.