ROXAS CITY -Yara na sa estable nga kondisyon ang maglive-patner nga nagtuyo nga magpanginmatay sa Barangay Sibaguan, Roxas City.
Ginpahayag sang wala matumod nga mister nga manug-tulog na kuntani sila sang iya live-in partner sang gulpi lang nga nagsulod sa ila paminsaron nga magpanginmatay.
Suno sa mister nga may yara ini sila sang ginakalainan sang buot natuhoy sa Social Amelioration Program ukon SAP sa diin gintumod sini ang pagbaton sang ayuda sang mga soltero sa nasambit nga barangay.
Gindugang pa sang mister nga naghibi pa sila sang iya live-in partner antes nagkuha sang pisi kag ginhigot ang duha nila ka mga liog.
Apang dako ang pagpasalamat sang mister nga nasalbar ini sila nga duha sang iya nga pakaduha.
Sa ulihe ginpahayag man sang mister nga ginalawag na sila nga duha sang iya live in partner nga magpanginmatay sa diin ginatawag na ini sila sang diyos.
Samtang tuman naman ang kakibot sang pakaduha nga responde sa sitwasyon sang mag live-in partner.
Suno sa wala na ginhingadlan nga pakaduha nga may nabatian ini nga ugayong sa balay sang mag live in partner apang sa tion nga ginsekyar sini, nagahigda na ang duha nga may yara sang pisi sa leog nga ginalagas ang ginhawa.
Gilayon nga nagkuha ini sang gunting kag gin-utod ang pisi.
