Mag-tiya pilason sa pagbungguanay sang 2 motorsiklo sa Barangay Mongpong

ROXAS CITY – Ginpadangat sa ospital ang mag-tiya matapos ginbungguan sang motorsiklo ang ila ginasakyan nga motorsiklo sa Barangay Mongpong, Roxas City.

Ginkilala ang mga napilasan nga sanday Michael Aganan, 33 anyos kag tiya sini nga si Delia Arrobang, lunsay mga residente sang Barangay Dumulog, sining siyudad.

Mahibaluan nga padulong kuntani sa San Roque Street ang mga biktima sakay sa motorsiklo apang nabungguan sang motorsiklo nga ginamaneho sang wala pa makilala nga persona.

Bangud diri natumba sa dalan ang motorsiklo nga ginasakyan sang mga biktima rason nga nag-angkon ini sang mga kasamaran.

Padayon naman nga ginaayam sang mga otoridad ang suspek matapos ini ang nakapalagyo.